Noticia en Galicia Confidencial sobre la protesta de las medalleiras

As medalleiras de Santiago, vendedoras históricas desprazadas do centro da cidade

Este colectivo de vendedoras mantén unha protesta indefinida cada martes fronte a Casa do Concello.

No que deron en chamar os 'Martes polas Medalleiras', as vendedoras de recordos do Obradoiro e as prazas centrais da cidade de Santiago protestan cada martes para reclamar que o Concello lles permita recuperar a súa "localización histórica".

"En 2021, os artistas de rúa e medalleiras fomos expulsados das nosas históricas localizacións a outros lugares con menos tránsito de viandantes. Como se veu denunciando nos pasados meses, as novas localizacións xeráronnos un enorme prexuízo económico", recolle o colectivo.

Así mesmo, denuncian unha "clara discriminación" con respecto a outras actividades "máis perniciosas para a zona monumental" que se localizan en lugares prohibidos para eles, como os trens turísticos e o aparcadoiro de coches na Praza do Obradoiro, "enormes terrazas que ocupan media Praza da Quintana" ou "indixentes e esmoleiros" na cidade histórica.

14/may2022 - Galicia Confidencial, 

Enlace a la noticia: 

http://www.galiciaconfidencial.com/noticia/198243-vdeo-medalleiras-santiago-vendedoras-historicas-desprazadas-centro-cidade